ဂျပန်နိုင်ငံ၏ Tatami Room အကြောင်း
ဂျပန်နိုင်ငံဟာ washitsu(和室）ဟုခေါ်သည့် ဂျပန်စတိုင် အခန်းလေးများနှင့်ပတ်သက်၍ နာမည်ကြီးပြီး ထိုအခန်းလေးများကို Tatami Room ဟူ၍လည်း ခေါ်ဆိုနိုင်ပါသည်။
Tatami ဆိုသည်မှာ မြက်ပင်ကဲ့သိုသော အပင်များနှင့် လျှော်တိုဖြင့်ပြုလုပ်ထားသည့် ဖျာအမျိုးအစား တစ်မျိုးဖြစ်ပါသည်။ Tatami များကို အရှေ့မှာပါရှိခဲ့သည့်အတိုင်း washitsu(和室）ဟုခေါ်သည့် ဂျပန်ရိုးရာစတိုင်အခန်းများနှင့် ဂျူဒို ၊ ကရာတေးစသည့် ကိုယ်ခံပညာရပ်များလေ့ကျင့်သင်ကြားနိုင်သည့် Training အခန်းများတွင်လည်း အသုံးပြုလေ့ရှိပါသည်။
Tatami Room များတွင် များသောအားဖြင့် Sliding doors(ふすま、襖)များ ပါဝင်လေ့ရှိပြီး တခါတရံမှာ အလင်းရောင်ဖောက်ထွင်းဝင်ရောက်နိုင်သော Sliding doors(しょうじ、障子)များလည်း ပါဝင်ပါသည်။
အခုလိုထူးခြားတဲ့ အခန်းအတွင်းပိုင်းအသွင်အပြင်များသည်Muromachi(室町時代) ခေတ်မှ စတင်ပေါ်ပေါက်လာခဲ့ပြီး ချမ်းသာသောမိသားစုများ၏စာကြည့်ခန်းအဖြစ် အသုံးပြုခဲ့ကြခြင်းဖြစ်သည်။
ယနေ့ခေတ်တွင် Tatami Room များကို Reception နှင့် လူနေခန်းများအဖြစ် အသုံးပြုလေ့ရှိကြပြီး Ryokan(りょかん、旅館)ကဲ့သို ဂျပန်ရိုးရာတည်းခိုခန်းများနှင့် ဘုရားဖူးဧည့်သည်များ ညအိပ်တည်းခိုခွင့်ပြုသော ဘုရားကျောင်းများ(しゅくぼう、宿坊)၏ တည်းခိုခန်းများတွင် မြင်တွေ့ နိုင်ပါသည်။